آزار مملكة الجان نعمة الدمياطي كان ياما كان .. في سالف العصر والأوان .. إنسان ضعيف غلبان .. ظلمته الدنيا وجار عليه الزمان .. ماشي لوحده حزين حيران .. يكفي منين حياته وإزاي ينسى اللي كان .. قعد تحت شجرة يفكر والحسرة ساكنة جوة قلبه اللي بالأنين مليان .. وعقله خلاص سكن فيه الهذيان . آه لو ألافي مصباح علاء الدين أو خاتم سليمان .. كنت أكسر الدنيا وأخد حظى اللي .. نسيني من الزمان وأعيش كما السلطان .. لا هايهمني ساعتها إنس ولا جان ... فجأة لمعت السما واتهزت الأرض وطلع منها شرار كما البركان ... النار وصلت للسما والأرض بقت كلها ألوان .. حتى الشجرة اللي كان سائد عليها صرخت و غصونها وورقها بقى دبلان ... إيه دها إيه دها أنا كنت بقول عايز أعيش سلطان مش ينتهي بيا الزمان الفزع مسك في قلبه .. صراخ في كل مكان .. ومن وسط النار ظهر له .. شبيك لبيك . جبت لك يا سلطان ... الراجل مقدرش يتحمل .. فقد وعيه وما بقى عارف من الوقت فات كام ... أنا أنت مين؟ ومنين جيت؟ أنت إنس ولا جان؟ أنا اللي ندهت عليه واتمنيت تشوفني من قلب الظلام .. جيت لك يا عرفان .. أحقق لك مرادك وأخليك أغنى إنسان ... نسي خوفه في لحظة ولمعت عنيه .. افتكر أمنيته وبفرحة نسي أنه كان هنا قاعد غلبان . س ليا طلب واحد لو عملته هتبقى سيد المكان والزمان . هو ايه .. اومرني وهتشوف أنا لك طائع .. أنا للحياة عطشان ... هتجوزني بنتك في يوم من الأيام .. وهتنساها لأني ها خدها المملكتي ومن هناك هاخليك ولا السلطان ... مستحيل .. ده أنا كل اللي عايزه من الحياة بنت أخليها أميرة الزمان ... هتكون أميرة بس عندي في مملكتي وها نتفق ... أنت إيه .. شيطان؟! لاااا .. أنا ملك من ملوك الجان .
