الخيال حاجة حلوة...مفيش حد فينا مبيحبش الخيال، الواحد لما بيحب يتبسط بيغمض عينيه و يتخيل أى حاجة نفسه فيها...يتخيل نفسه ناجح ، يتخيل نفسه مع حبه ، يتخيل نفسه غنى ، أو يتخيل نفسه سوبر مان حتى...دة اللى هنعمله في الكتاب دة ، هنتخيل لان انا في الكتاب دة مكنتش بأكتب انا كنت بأتخيل..بس عمرى ما كنت اتخيل ان الخيال اللى طلع من خيالى في الكتاب الخيالى دة هيتحول من خيال لواقع ولا في الخيال فهمتوا حاجة؟ طبعا لأ لأنكوا مقرتوش الكتاب هاتوا الفشار بتاعكوا و عيشوا بقي مع الكتاب..قصدي مع الخيال -مسترv-
كل المدرسين الخصوصين في موناكوا بيختاروا لنفسهم ألقاب...غول الأحياء ، تنين الكيميا ، غزال التاريخ و غيرها..لكن القصة دى بتحكي عن سندريلا الجبر لانها الوحيدة اللى اختفت ياتري أختفت ازاى ؟ و اية اللى ورا حكايتها؟
من اشهر الشخصيات المشهورة شخصية كات ومان أو الست القطة ..لكن في موناكو ظهرت شخصية جديدة اسمها كاو ومان أو المرأة الحالوب.. ياتري هى مين؟ و اية قوتها الخارقة؟ و عايزة تعمل اية في موناكو؟ و هل هيقدر يواجهها مستر في؟ هنشوف
الإبداع هو انك تلاقي حلول برة الصندوق..خصوصا لو في موضوع مهم جدا و معقد زى إعادة تخطيط شوارع موناكو لكن الحقيقة أحيانا لما بنطلع برة الصندوق، الصندوق كله بيتقلب و يبوز الدنيا ربنا يستر
عمرك حلمت أنك تكون إنسان شفاف؟ طب هو اصلا ينفع تكون إنسان شفاف و لا دة مجرد خيال؟طب تفتكر لو في إنسان شفاف ، هل الناس هتبقي عارفاه ولا هيبقي مش معروف؟ بس قبل دة كله انا نسيت اسألك سؤال مهم، انت فاهم يعنى غية كلمة شفاف؟ مش عايز احرقلك الأحداث ، أفهم انت من القصة
من قديم الأزل في صراع بين الإنسان و الشيطان ، مين فيهم الأذكي و مين فيهم اللى ممكن ينتصر على التانى؟ الكل كان شايف ان الشيطان هو الأذكى وش وهو الأخبث لكن الحقيقة في ناس لما تشوفهم و تبص على تصرفاتهم تحس ان الشيطان جنبهم يبقي أمينة رزق جنب عادل ادهم
البيع فن مش عن عننن و يا بخت من باع الرخيص بالغالى ولا باعش الغالى بالرخيص و البضاعة المباعة لا ترد ولا تستبدل و بين البايع و الشارى يفتح الله تحسوا إنى قلبت على دجالة في نفسي بالأمثال دى كلها ، مش كدة؟ عموما دة مش ذنبي ، لما تقروا القصة هتعذرونى
" ابعد عنه الساعة دى دة الشيطان راكبه"... الجملة دى من اشهر الجمل اللى بتتقال عندنا في موناكو ، بس محدش ابدا كان يتخيل أن الجملة دى مهياش مجرد جملة مجازية ، بالعكس دى جملة واقعية ..و واقعية جدا كمان و زي ما المثل بيقول " اللى يلعب مع الشيطان بكرة يلبس في الحيطان"
بعد اللى بعده يجي اللى بعد بعده..مش محتاجة فكاكة يعنى لكن المشكلة ان اللى بعده طلع مفيش بعده، و بالتالى اللى بعد بعده اكتشفت انه زيه زى اللى بعده... بصوا عشان ماتتوهوش منى ، ما تيجوا نشوف - بصوت إبراهيم نصر في الكاميرا الخفية
الخيال حاجة حلوة...مفيش حد فينا مبيحبش الخيال، الواحد لما بيحب يتبسط بيغمض عينيه و يتخيل أى حاجة نفسه فيها...يتخيل نفسه ناجح ، يتخيل نفسه مع حبه ، يتخيل نفسه غنى ، أو يتخيل نفسه سوبر مان حتى...دة اللى هنعمله في الكتاب دة ، هنتخيل لان انا في الكتاب دة مكنتش بأكتب انا كنت بأتخيل..بس عمرى ما كنت اتخيل ان الخيال اللى طلع من خيالى في الكتاب الخيالى دة هيتحول من خيال لواقع ولا في الخيال فهمتوا حاجة؟ طبعا لأ لأنكوا مقرتوش الكتاب هاتوا الفشار بتاعكوا و عيشوا بقي مع الكتاب..قصدي مع الخيال -مسترv-
