إياك أن تتردد لحظة إنك تحب ولما تحب لازم تحب بعمق يمكن هتخاف شوية من الألم الناتج عن المحبة و من كسرة قلبك لو حد من اللي أنت حبتهم سابك أو رفضك أو حتي خوفك من كسرة قلبك على اللي رحلوا من الدنيا لكن مهما كان الوضع مينفعش يعدي يوم إلا وأنت بتحب بعمق حتي لو أتالمت....... الألم الناتج عن المحبة العميقة دي هيخليك تثمر أكتر وأكتر ألمك هيكون محراث بيشق أرض حياتك وبيخليك نبتة قوية الالم ده هيحطك قدام قرارين وساعتها بس لازم تختار قرار واحد من الاتنين يا إما تقرر إنك بسبب الالم ده متحبش تاني خالص........ أوإنك تقف في وش ألمك وأنت صلب وتخلي أرضك تدي حياة جديدة لبذور جديدة تنبت جوا قلبك كل ما هتتالم اكتر كل ما هتحب اكتر كل ما هتعطي الفرصة لقلبك انه يتسع أكثر ويعرف يحب بعمق أكثر كل ما حبيت بعمق هتلاقي أحبابك مش هيفارقوك وأنهم أصبحوا جزء من كيانك وإنك أصبحت جزء من كيانهم بس القصة مش هتقف على كده لا لسه في ناس تاني كتير هتدخل وهتكون جزء من كيانك ومجتمعك الداخلي هيكبر أكتر وأكتر حتي بموتك قصتك مش هتنتهي لأنك هتكون تركت جزء من كيانك داخل كل واحد من اللي أنت حبتهم نعم كل ما أحببت بعمق أكثر كلما إنكسر قلبك أكثر كلما أثمرت أكثر لذلك......... حب بعمق
